الصاحـب اللـي ملكنـي بالهـوا والـغـرام...بالله يالـلـي تجـونـه سلـمـوا لــي عـلـيـه |
ردوا سلامي على اللي يستحـق السـلام...اللـي شرانـي وانـا مثلـه بـعـد مشتـريـه |
الصاحب اللي معي مخلص رفيع المقام...يحبنـي حـب مـن قلبـه وانـا امـوت فيـه |
مــن فضـلـكـم قـــدروه وزوده اهـتـمـام...عـطـوه مايطـلـبـه مـنـكـم ومايشتهـيـيـه |
خلي يحب الهدوء ويموت في الانسجام...حاكوه بااسلوب طيـب والخطـأ لايجيـه |
خلـوا سواليفكـم قدمـه بــاأدب واحـتـرام...ولا تسألـون الحبيـب الا سـؤالً وجـيـه |
ولـيـا تكـلـم لاأحــد منـكـم يــرد الـكــلام...خلـوه يكمـل كلامـه ليـه مـن غيـر لـيـه |
خلـي كـلامـه ومنطـوقـه عـلـى مـايـرام...كـأن العـسـل يــوم يتكـلـم عـلـى شفتـيـه |
والله مـاادري بعـد فرقـاه وشلـون أنــام...همـي ذبحنـي وقلـبـي شـبـة الـنـار فـيـه |
يانـاس لاتلحـقـون اهــل المحـبـه مــلام...مــن لامـنـي بالمحـبـه والله انــه سفـيـه |
يانـاس كسـر الخواطـر والله انـه حـرام...خلوني اعيش جـوي ليـه مـن غيـر ليـه |
الشاعر الرائع / عبدالله السميري
شكرا لك على الموضوع
