مراكب شوق عليك ترسى

و بكبر في عيون الناس ..
و في عينيك بكون لسه
و دائما إنت خايفة علي..
من فتحت لي هسه
بريدك يمه نبع الريد..
و إحساس جنة بتحس
ويفيض بحر الحنان منك..
مراكب شوق عليك ترسى
بشوف يا يمة في عينيك ..
أمان الدنيا متلمي
بشوف في ضحكتك دنياي..
بتمسح لي دوام همي
و لما أبوس و أشم إيديك ..
بحس بي الرحمة في دمي
و أدعي المولى يرضى عليك..
و يخليك لينا يا أمي

و مهما قلت فيك كتير..
ما بوفيك أي كلام
لأنك إنت سر الكون..
و سر الريد معاي دوام
مهما الدنيا تقسى عليك ..
ما بتتكسري للأيام
و ما بتشكي الهموم عينيك ..
مهما كترت الآلآم

موضووع ججميل
ششكرااً عَ الطرح الرائـع