دايما لما ارسم لوحه مااستخدم لون واحد بس....
استخدم كل الالوان .....
في بعضها استخدمها للتغميق وبعضها اخفف فيها والبعض تكون اساسيه .....
واكيد بعد مااخلص اللوحه تلاقوا ابتســ
ــامه عررررررررررريضه في وجهي واحس بالفرح والفخر برسمها ..ايش الشي اللي خلا اللوحه حلوه وتحب تتأملها ....؟!!
طبعا الالوان اللي فيها ..
دايما اول شي يشدنا في اللوحات الوانها وبعدين نشوف التفاصيل ....
ولو ربطنا الكلام دااا بالحياه ..
لما تمر علينا ظروف صعبه ونلاقي الهموم والالام من كل مكان ونحس حياتنا قاسيه واختفت منها ملامح الفرح وصارت كلها احزان ......
عندها لا تتوقف وتقفل على نفسك الابواب ...
شوف الحياه من نافذه ملونه حتلاقي وقتها ان الكون من حولك واسع ومبهر وجميل والوانه ساحره ورائعه ....
تعالوا نتامل الاطفال وهما يرسموا .....
نشوفهم مغرمين بالالوان يدمجوها كلها مع بعض .....
و في الاخير تطلع لوحه مررررررررررره حلوه مليانه الوان وفرح وبراءه وعفويه وحب ...
ممكن تكون لوحات مالها معنى بس بالوانها الرائعه تطلع احلى من لوحات بيكاسو ....
طيب ليش مانرسم حياتنا زي ما يرسمها الاطفال بكل الالوان والحب ~ ~ ~ وقتها راح تكتسب حياتنا معنى جديد حلو ونفوز على الصعاب اللي هيا اصلا مجرد عقبه نقدر نعديها ....
لا تخلي حاجه تاخد فرحتك وسعادتك وراحة بالك ~ ~ خليك قوي ولا تستسلم للضعف...
كل واحد فيكم يتخيل الامل والتفاؤل بلون معين هو يحبه ودايما يحاول يتمسك فيه ~ ~ ~ وكل ما لقيتوا نفسكم زعلانين افتكروا اللون ولا ارسموا او اكتبوا بيه ~ ~ وافتكروا كمان انه هادا اللون ((قصدي الامل ))
هو المفتاح اللي حيدخلكم ابواب السعاده ......
هيا نواجه احزاننا بالامل ونمسك الفرشه ونلون حياتنا بكل الالوان ......
(( قوس قزح ))
