بين الحلم واليقظة , وجدت نفسي !

* شروط الإسقاط النجمي :
- القدرة على الإسترخاء 100%
- التركيز
- الطاقة الذهنيه ( يعني ماتصير متعاطي شي ولا شي لا سمح الله )

*الطريقة :
" وصلنا للب الموضوع "
-المكان :
أختار لك غرفة هادية جداً ! بعيد عن ضجة البيت
لا تتحمس وتشغل مسيقى حزينة ولا بيانو ! الغرفة لازم تكون خالية من جميع الأصوات
لا تلبس شي يضايقك يعني ساعة او خاتم او لبس ضيق !

- الخروج من الجسد :
إذا جا الوقت اللي حددته عشان تسوي تجربتك لازم تعطي عقلك الباطن أوامر
قول لنفسك : انا مسترخي تماماً وبطلع من جسمي الحين وبتذكر كل هذا "
الحين وأنت منسدح سو تمارين بسيطة زي التمدد وتمارين ضغط بحيث انها تنهك جسمك شوي عشان تحس نفسك ثقيل وتبغا تنام
اول ماتحس ان جسمك ثقل هذا يعني انك وصلة لمرحلة ( السمو )
وقف التمارين وركز على التنفس
حاول تطرد اي فكرة تجيك ! يعني مو تتذكر سالفة صارت لك قبل سنتين !
الله يرضى عليكم اهم شي التركيز
بتحس الحين ان نبض قلبك يزيد ! تجاهل الشعور هذا لأنه مع الوقت بيزيد ولا تخاف ! هذا شي جداً طبيعي
" أنـــت الأن خـــارج جـــســـدك "
تمت العملية بنجاح
في أول تجربة حاول انك تبقى قريب من جسمك !
يعني مو على طول تشطح للندن !
أصبر حبه حبه ! خلك قريب من جسمك وخذلك لفه على الغرفة !
طبعاً انت تطير حالياً ! قانون الجاذبية ماينطبق عليك
مع استمرار تجاربك تقدر انك تبعد تدريجياً عن جسمك !
تروح الهند تروح الصين تروح المريخ ! ايوه عادي ترا تقدر تروح لأماكن برا كوكب الارض !
أهم شي تحدد وجهتك قبل لا تبدا التجربة

- العودة للجسد :
بسيطة جداً
كل اللي عليك انك تتوجه لجسمك وببساطه بيلتحم الجسم الأثيري والمادي مع بعض
في شي احب اوضحه بهالنقطة ! أثناء انفصال الجسد راح يظهر لك زي الحبل الفضي يربط روحك بجسدك !
هالحبل فايدته انه مهما بعدت ومهما رحت لأي مكان بالكون راح ترجع لجسدك بواسطته
في أول تجربة يمكن ما تتذكر ايش صار بالضبط لكن مع الإستمرار راح تعود ذهنك على التذكر

* خطر ربما يقع !؟
- يدخل احد الغرفة ويلقاك نايم بلا روح ! ويشخص حالتك على انها وفاة ! ويمكن يتحمس ويدفنك حي << يعني عط اهلك خبر قبل لا تسوي التجربة
- اللي يعانون من امراض القلب مو زين لهم لأنه ممكن يهبط ضغط القلب !
- يتلخبط احساسك بالوقت لما ترجع للعالم المادي
- لو لاسمح الله صار في العالم المادي ضرر ! يعني حريق او زلزال او اي شي احتمال يتضرر جسمك المادي بحكم كونك ماتحس فيه
- بعض الديانات تقول أن يمكن يجيك مس ! لكن كلنا نعرف الحالات اللي يحصل فيها تلبس او مس من الشيطان والنوم مو واحد منها
- أحد العلماء قال أنه في إحتمال ينفصل الحبل الفضي عنك ! ولكن كثير نفو نظريته وكذبوها وانا عن نفسي امشي على رأي الأغلبية

* Inception :
أحد فيكم شاف فيلم Inception ؟!
الفيلم هذا يحكي عن هالظاهره ! بس طبعاً بحبكة هوليوديه وشوية بهارات
ماجابو الطريقة صحيحه عشان ما تتعقد قصة الفيلم ويفقد الحبكة
سببهم مو مقنع يعني عطو الناس فكرة شبه خاطئة عن الإسقاط النجمي
لكن لازال يتكلم عنه بطريقة تفصيلية
أنصحكم تتابعونه لأنه بيوضح لكم زبدة موضوعي هذا

* فيديو توضيحي :
أثناء فرفرتي وبحثي لقيت هالفيديو من 15 دقيقة يتكلم عن هالظاهرة ويوضحها بطريقة مبسطة وجميلة
ويتطرق لكتب و مصادر بتفيدكم
بحكم ان اللي أنتج الفيديو ( غير مسلم ) فله إعتقادات خاطئة عن الجنة والنار كباقي الكفار
لذلك ركزو على الطريقة وخلكم من البربرة الثانيه
هنـــا

+

مابغيت أخلص !

كثير راح يعتبر كل الكلام اللي فوق مجرد خزعبلات لكن هذا علم وفي دكاترة وناس كرست حياتها لدراسته
ولا ننسى قوله تعالى ( ويسألونك عن الروح قل الروح من أمر ربي وما أوتيتم من العلم إلا قليلاً )
بالنسبة لي ماقد جربت هالشي
نفسي بس ما استرجي اجربه لحالي والكل قامط مايبي يصير معي
المهم
أتمنى يكون الموضوع شيق بالنسبة لكم !
ادري يحوس المخ شويتين

ختاماً :

أعضاء ذا بيست!
إذا حصل في يوم وطبقتو هالتجربة الفريدة ..

أين ستكون وجهتكم ؟
هل ستعيدون التجربة ؟
من ستصحب معك في تجربتك ؟
إذا كنت ممن جرب الإسقاط النجمي , حدثنا عن تجربتك تفصيلياً ؟

لكم

منقول للأمانة

مشكور على هذا الموضوع !!
الٱكثر من رائع !!
بإنتظار جديدك ....
في ٱمان الله