المقادير
حليب طازج (40 لتر للحصول على كميه كبيره من الجبن)
فنجان ونص ملح
الحبه السودا
كاسين ونص خل اليمامه (لانه خفيف)
بعض الاغراض الي بنحتاجها
سلة الخضار المشخله +صينية التقطيع (ماعرف شو اسمها بس بتين في التصوير)+قماش+قطع انترلوك+مقص+نايلون+جدرين كبار
هذا الحليب
وهذي الاغراض الي احتجناها
الطريقه
نحط الحليب في جدر على النار
بنلاحظ ظهور القشطه بشكل خفيف فوق الحليب(اول ما يبدا يسخن)
عمتي شلتها وحطتها في صحن
وقبل لا يغلي الحليب اضاف الخل وبدت تخلطه على طول
وبنلاحظ الجبن بدا يتجمع فوق ويتكتل يمممي
طبعا نكون مجهزين السله وتحتها جدر كبير عشان ماي الجبن الي بينزل
وبعدين بنحط القماش داخل السله بهالطريقه
اضفنا الحبه السودا وضغطنا عالجبن بالملاس
فهالصوره عمتي غطت الجبن بالقماش نفسه وحطت عليه صينية التقطيع ثم النايلون بس ماصورت لما حطت النايلون :057:
وحطت عليه قطع الانترلوك لكل سله 5 قطع
وتركت الجبن لليوم الثاني
والصبح امي كملت الشغل لان عمتي ماكنت موجوده:047:
شلت الانترلوك وبدت في تقطيع الجبن
وحطته في جدر واضافته الماي(ترست الجدر) وتركته حتى يغلي
وعقب ماغلى جهزت قواطي البلاستيك وحطت الجبن مع الماي الي غلى وياه
وهذي صورة الجبن من قرييييييب حده يشهي ولذيييذ
وهذي صورة الجبن السائل علمتني عمتي على الطريقه وااوعدكم انزل تطبيقي له في موضوع ثاني وهو شبيه جبن الكرافت
