ياوش بقى

يا وش بقى بعطيك مني ولا جاك
ما باقيٍ إلا روحي أحيا بها لك

أوصف جمالك كل من نشدت وأهواك
وأزين أيامي بجلسة خيالك
يالغايب الحاضر بقلبي ولا القاك
اقرب من عروقي وصعب منالك

شالك زماني عن عيوني ووداك
لا شك وثق في ضلوعي حبالك
يا حاجب ٍ شمسي وراه ليل جفواك
ما بالعهد بك قاصي ٍفي وصالك

وش غيرك يا منوة القلب واطغاك
على حبيب ٍما تخير بدالك
دنياي ما تصلح بلا شمس دنياك
والليل يوحش لو تغيب هلالك

ولا تشوف العين زين بليااك
ولا يطرب سمعي الا مجالك
ولا انتفض قلبي من الحب لولاك
ولولاك ما يبدي عليك ما بدالك

شكرا لك على الموضوع

شكرًا لك على الموضوع
بانتظار جديدك دائمًا