أكلة خاصة بالشباب ممنوع دخول البنات نبي شوية خصوصية

شباب آنا عارف اللي تمرون فيه .....من حياة العزابية الله يعينكم


اليوم هذا سموه يوم السعد لأني بعشيكم عشاء غير شكل

طبعا انا مختلسها من كتاب أبله عطيات اكيد تعرفونها لأن نص كتبها عنكم بس يا حسافه دايم تحرقون الأكل......وتردون حق الجبنه والطحينيه


كأني شايف بنت دخلت علينا .... مو قلت ممنوع يله من غير مطرود



طبق اليوم يسمونه بشاميل اهوا خطير مرررره ( وايد ) وآنا خايف عليكم انكم تدمنون عليه


الطريقه سهله مو معقدة لني اختصرتها من الكتاب المعروف


وهي انك تروح البقاله وتاخذون شوية جبنه وطحينيه عارف راح تقولون وش دخل الجبنه والطحينيه... انتوا صبروا علي اعلمكم يا شينكم ونتوا مستعجلين على الأكل
ما همكم غير بطونكم


طبعا ان كنت طفران ( مفلس ) فهذي مشكلتك... ولا بعد تبون أعطيكم فلوس هذا اللي ناقص
يكفي اني شريت الكتاب


بعد ما ترد من البقالة على طول إنقز للمطبخ هذا اذا كان عندكم مطابخ
المهم إنكم تجيبون

نسيت الخبز معليش شباب كلها دقايق وتردون تحملوني

ها جبتوا الخبر ممتازين اصلا انتوا متعودين على الروحة للبقالة ولا مره رحتوا وجبتوا كل شي كامل


يا بنات يله برى قلنا شوية خصوصية -- يعني لازم تفشلون نفسكم

ما يحتاج هل حين شيء حط سفرتك وجبنتك والطحينيه تبع وسم بالله وكل

بالعافية شسوي خايف ادلعكم اليوم تردون بكرة تبون كبسة ونا ما فيني حيل اكتب

وكل هذا كتبته عشان اقهر البنات

ها اكلتم شرايكم يعجبني انكم قنوعين