تذكير بمساهمة فاتح الموضوع :
قصة ترفيهيه بمناسبة كأس العالم ولا تمت للواقع بأى صلة 
زوج وزوجة فى غاية السعادة عرسان جداد والفرحة تخيم على حياتهم الاسرية الجديدة
تشاء الاقدار ان تتزامن حياتهم الجديدة باقامة كأس العالم , وبما ان الزوج من محبى و متعصبى كرة القدم عكس الزوجة التى لا تعلم اى شىء عن لعبة كرة القدم غير انها كروية الشكل , من هنا كانت المفارقات التراجيدية الكوميدية المأساوية المهلبية
المكان :عش الزوجية السعيد
الابطال : زوج وزوجة فى مقتبل العمر والحياة الزوجية
محور الأحداث : كأس العالم
الزوج : حبيبتى ابقى جهزى الغدا بدرى عشان هتفرج على مباراة الافتتاح فى كاس العالم
الزوجة : لا كاس عالم ايه انت عارف انا مش بحب الكورة , هى امتى المباراة
الزوج : الساعة 5 المغرب
الزوجة : لا لا انسى ده ميعاد المسلسل التركى ومن 2500 حلقة مش فوتت حلقة واحدة
الزوج : مسلسل 2500 حلقة ليه وعشان ايه !!!!
الزوجة : ياحبيبى المسلسلات التركية كده اجزاء كتير حلقات اكتر والمسلسل مش بيخلص غير لما المشاهدين يموتوا
الزوج : لا خلاص من النهاردة مفيش مسلسلات تركى انا مش عايزك تموتى
وقومى بقى جهزى الغدا
عشان مش بحب الكلام الكتير 
الزوجة قامت غاضبة متعصبة بتفكر ازاى تتفرج على المسلسل التركى وهو مش يتفرج على المباراة
المباراة بدأت والمسلسل ايضا بدأ وفقدت الزوجة الامل فى مشاهدة هذه الحلقة لكن كل هدفها انها تنهى هذه المآساة وان زوجها ينسى مباريات كاس العالم نهائى خصوصا وان البطولة هتستمر شهر كامل
وبما ان كيدهن عظيم قررت انها تعلن الحرب على كأس العالم
وأول طرق الحرب انها تعلن امام زوجها حبها للكرة
الزوجة : انا هتفرج معاك على مباريات كاس العالم كلها ومش هتفرج تانى على مسلسلات تركى المهم انت تكون راضى عنى
الزوج : راضى عنك طبعا اسكتى بقى واتفرجى
الزوجة : هو مين اللى هيلعب
الزوج : البرازيل /الكاميرون
الزوجة : وده ماتش قوى ولا عادى
الزوج : ماتش قوى طبعا يكفى اننا هنتفرج على منتخب افريقي قدام منتخب قوى
الزوجة : اه فعلا لازم نشجع البرازيل لاننا افارقة زى بعض
الزوج : برازيل مين اللى افارقة
!! اقولك حاجة اتفرجى وانتى ساكتة
الزوجة : انا عايزة اتعلم كل حاجة عن الكورة بقى
الزوج : عايزة تعرفى ايه ؟
الزوجة : ميسى هيلعب ؟
الزوج : لا ميسى بيلعب فى الارجنتين
الزوجة : لا ميسى اسبانى وبيلعب فى منتخب برشلونة
الزوج : الصبر يارب ياستى ميسى ارجنيتينى ومحترف فى اسبانيا
الزوجة : لا انت غلط ميسى اسبانى ومحترف فى برشلونة , هو يعنى ايه محترف
الزوج :
الزوجة فرحانة لما وصل اليه حال الزوج من اول مباراة كده الخطة فى طريقها للنجاح
الزوجة : قولى بقى هو اللى هيكسب بطولة العالم هياخد ايه ؟
الزوج : هياخد كاس شكلة جميل مصنوع من الدهب الخالص
الزوجة : طيب وانت مش هتجيبلى سلسلة مصنوعة من الدهب الخالص عشان حبيت الكورة اهو وبتفرج معاك
الزوج : انا نفسى ابلغ عنك الامن المركزى
الزوجة : بتقول ايه
الزوج : بقولك انا نفسى اجيبلك كل الدهب اللى فى البنك المركزى
الزوجة فى هذه الاثناء اشعلت احد الشماريخ فجأة
الزوج : ايه ده بتعملى ايه يامجنونة هتحرقى الشقة
الزوجة : بشجع اللاعيبة عشان تشعر انك فى الملعب مش عايزة احرمك من حاجة وكمان يايا توريه جاب جون
الزوج : ملعب ايه بس انا قولت لامى مش عايز اتجوز وهى صممت وكمان تعالى هنا يايا تورية مش بيلعب خالص انتى بتجيبى الاسامى دى منين
هنا انهار الزوج وانهار ثم تمالك نفسه قائلا : انتى قولتى المسلسل التركى بيشتغل امتى
الزوجة : بيشتغل طول اليوم ياحبيبى
الزوج : انا بقيت بحب المسلسلات التركى اوى وهتفرج معاكى عليهم
الزوجة : وكاس العالم هتعمل فى ايه ؟
الزوج : يعنى ايه كاس عالم انا اول مرة اسمع الاسم ده
زوج وزوجة فى غاية السعادة عرسان جداد والفرحة تخيم على حياتهم الاسرية الجديدة
تشاء الاقدار ان تتزامن حياتهم الجديدة باقامة كأس العالم , وبما ان الزوج من محبى و متعصبى كرة القدم عكس الزوجة التى لا تعلم اى شىء عن لعبة كرة القدم غير انها كروية الشكل , من هنا كانت المفارقات التراجيدية الكوميدية المأساوية المهلبية
المكان :عش الزوجية السعيد
الابطال : زوج وزوجة فى مقتبل العمر والحياة الزوجية
محور الأحداث : كأس العالم
الزوج : حبيبتى ابقى جهزى الغدا بدرى عشان هتفرج على مباراة الافتتاح فى كاس العالم
الزوجة : لا كاس عالم ايه انت عارف انا مش بحب الكورة , هى امتى المباراة
الزوج : الساعة 5 المغرب
الزوجة : لا لا انسى ده ميعاد المسلسل التركى ومن 2500 حلقة مش فوتت حلقة واحدة
الزوج : مسلسل 2500 حلقة ليه وعشان ايه !!!!
الزوجة : ياحبيبى المسلسلات التركية كده اجزاء كتير حلقات اكتر والمسلسل مش بيخلص غير لما المشاهدين يموتوا
الزوج : لا خلاص من النهاردة مفيش مسلسلات تركى انا مش عايزك تموتى
وقومى بقى جهزى الغدا
عشان مش بحب الكلام الكتير الزوجة قامت غاضبة متعصبة بتفكر ازاى تتفرج على المسلسل التركى وهو مش يتفرج على المباراة
المباراة بدأت والمسلسل ايضا بدأ وفقدت الزوجة الامل فى مشاهدة هذه الحلقة لكن كل هدفها انها تنهى هذه المآساة وان زوجها ينسى مباريات كاس العالم نهائى خصوصا وان البطولة هتستمر شهر كامل
وبما ان كيدهن عظيم قررت انها تعلن الحرب على كأس العالم
وأول طرق الحرب انها تعلن امام زوجها حبها للكرة
الزوجة : انا هتفرج معاك على مباريات كاس العالم كلها ومش هتفرج تانى على مسلسلات تركى المهم انت تكون راضى عنى
الزوج : راضى عنك طبعا اسكتى بقى واتفرجى
الزوجة : هو مين اللى هيلعب
الزوج : البرازيل /الكاميرون
الزوجة : وده ماتش قوى ولا عادى
الزوج : ماتش قوى طبعا يكفى اننا هنتفرج على منتخب افريقي قدام منتخب قوى
الزوجة : اه فعلا لازم نشجع البرازيل لاننا افارقة زى بعض
الزوج : برازيل مين اللى افارقة
الزوجة : انا عايزة اتعلم كل حاجة عن الكورة بقى
الزوج : عايزة تعرفى ايه ؟
الزوجة : ميسى هيلعب ؟
الزوج : لا ميسى بيلعب فى الارجنتين
الزوجة : لا ميسى اسبانى وبيلعب فى منتخب برشلونة
الزوج : الصبر يارب ياستى ميسى ارجنيتينى ومحترف فى اسبانيا
الزوجة : لا انت غلط ميسى اسبانى ومحترف فى برشلونة , هو يعنى ايه محترف
الزوج :
الزوجة فرحانة لما وصل اليه حال الزوج من اول مباراة كده الخطة فى طريقها للنجاح
الزوجة : قولى بقى هو اللى هيكسب بطولة العالم هياخد ايه ؟
الزوج : هياخد كاس شكلة جميل مصنوع من الدهب الخالص
الزوجة : طيب وانت مش هتجيبلى سلسلة مصنوعة من الدهب الخالص عشان حبيت الكورة اهو وبتفرج معاك
الزوج : انا نفسى ابلغ عنك الامن المركزى
الزوجة : بتقول ايه
الزوج : بقولك انا نفسى اجيبلك كل الدهب اللى فى البنك المركزى
الزوجة فى هذه الاثناء اشعلت احد الشماريخ فجأة
الزوج : ايه ده بتعملى ايه يامجنونة هتحرقى الشقة
الزوجة : بشجع اللاعيبة عشان تشعر انك فى الملعب مش عايزة احرمك من حاجة وكمان يايا توريه جاب جون
الزوج : ملعب ايه بس انا قولت لامى مش عايز اتجوز وهى صممت وكمان تعالى هنا يايا تورية مش بيلعب خالص انتى بتجيبى الاسامى دى منين
هنا انهار الزوج وانهار ثم تمالك نفسه قائلا : انتى قولتى المسلسل التركى بيشتغل امتى
الزوجة : بيشتغل طول اليوم ياحبيبى
الزوج : انا بقيت بحب المسلسلات التركى اوى وهتفرج معاكى عليهم
الزوجة : وكاس العالم هتعمل فى ايه ؟
الزوج : يعنى ايه كاس عالم انا اول مرة اسمع الاسم ده
شكرا لكم على المرور
